Քաբուլում իրականացված ահաբեկչության ժամանակ զոհվել է թալիբների զորապետերից մեկը

«Թալիբան» արմատական շարժման զինված ուժերի ղեկավարներից մեկը՝ Համդուլլա Մոխլիսը, նոյեմբերի 2-ին զոհվել է Քաբուլում Մուհամադ Դաուդ Խանի անվան զինվորական հոսպիտալի մերձակայքում իրականացված ահաբեկչական գործողության հետևանքով: Նոյեմբերի 3-ին այդ մասին հաղորդել է AFP-ն:

Ինչպես հայտնում է AFP-ն, առնվազն 19 մարդ է սպանվել, ևս 50-ը՝ վիրավորվել Քաբուլում Մուհամադ Դաուդ Խանի անվան զինվորական հոսպիտալի վրա հարձակման հետևանքով: Իր հերթին, Իրանի Press TV հեռուստաալիքը տեղեկացնում է 25 զոհվածների մասին: