Նախընտրական պաստառները պետք է փակցնել սահմանված տեղերում․ Երևանի քաղաքապետարանի հայտարարությունը

Քարոզչական պաստառները և այլ քարոզչական նյութերը փակցնել բացառապես դրա համար նախատեսված վայրերում: Այս մասին հայտարարություն է տարածել Երևանի քաղաքապետարանը:

«Խնդրում ենք այդ նպատակով չօգտագործել բնակելի կամ այլ շենքերի պատերը, սյուների մակերեսը և այլն:

Աղտոտված մակերեսները մաքրելու համար համայնքը և բնակիչները հետո զգալի ռեսուրս են ծախսելու:

Ներկայացնում ենք արտահերթ ընտրությունների կազմակերպման նպատակով քարոզչական պաստառներ փակցնելու համար անվճար տեղերի ցանկը Երևանում՝ ընդհանուր 336 տեղ»,-ասված է քաղաքապետարանի հայտարարության մեջ: