ՔՊ-ի գրասենյակում քննարկվել են բանակային բարեփոխումներն ու անվտանգության մասին հարցեր
- Nov 8, 2021
- 1 min read
Նոյեմբերի 7-ին «Քաղաքացիական պայմանագիր» կուսակցության Փարաքարի գրասենյակ են այցելել ՀՀ աշխատանքի և սոցիալական հարցերի նախարար Նարեկ Մկրտչյանը, ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, հանձնաժողովի անդամ, ԱԺ պատգամավոր, Գեներալ-Լեյտենանտ Գագիկ Մելքոնյանը։ Փարաքար համայնքի ավագանու ընտրություններում ՔՊ ցուցակը գլխավորող Լյուդվիգ Գյուլնազարյանը ողջունելով հյուրերին շեշտել է, որ մեր երկրի առջև ծառացած անվտանգային մարտահրավերների համատեքստում հանդիպումը համայնքի ազատամարտիկների, Արցախյան առաջին և երկրորդ պատերազմներին մասնակցած Փարաքարցիների հետ անչափ կարևոր է և հատկապես ուշադրության է արժանի։
Իրենց խոսքում Անդրանիկ Քոչարյանն ու Գագիկ Մելքոնյանը անդրադարձել են անվտանգության ու պաշտպանություն ոլորտում իրականացվող միջոցառումներին ու բանակային բարեփոխումներին՝ ընդգծելով համայնքի ավագանու, համայնքային կառույցների ու պետական ինստիտուտների ներդաշնակ համագործակցության անհրաժեշտությունը։
Comments