Կադիրովն ինքնաառաջադրվել է Չեչնիայի ղեկավարի ընտրություններում

Չեչնիայի ներկայիս ղեկավար Ռամզան Կադիրովն իրեն առաջադրել է երկրի ղեկավարի առաջիկա ընտրություններին մասնակցության համար: Այս մասին ասվում է Չեչնիայի ընտրական հանձնաժողովի կայքում տեղադրված հաղորդագրության մեջ, գրում է Russia Today-ը:

«Այսօր՝ հուլիսի 6-ին, Չեչնիայի Հանրապետության ղեկավարի ընտրություններին, որոնք նշանակված են 2021 թվականի սեպտեմբերի 19-ին, առաջադրվել է Չեչնիայի Հանրապետության ներկայիս ղեկավար, Ռուսաստանի հերոս Ռամզան Ախմատի Կադիրովը», - ասվում է հաղորդագրությունում:

Ավելի վաղ ՌԴ նախագահ Վլադիմիր Պուտինն անձամբ առաջարկել էր Կադիրովին այս տարի մասնակցել հանրապետության ղեկավարի ընտրություններին ու շարունակել իր աշխատանքը: