Աբխազիայում բնակիչը կրակ է բացել ռուսաստանցի զբոսաշրջիկների ուղղությամբ. կան վիրավորներ

Աբխազիայում Ռուսաստանի 2 քաղաքացի վիրավորվել է հրաձգության հետևանքով, որը բացել է տեղի բնակիչը: Այս մասին տեղեկացնում է Свободная Пресса հրատարակությունը:

Հանրապետության ՆԳՆ-ն տեղեկացնում է, որ ռուսաստանցիների և տեղի բնակչի միջև վեճ է սկսվել, ինչի հետևանքով վերջինս զբոսաշրջիկներից մեկին ատրճանակից 3 վիրավորում է հասցրել ձախ ոտնաթաթի և երկու ծնկի շրջանում, իսկ մյուսին` 6 վիրավորում ձախ ոտքի շրջանում:

Հաղորդվում է, որ տուժած ռուսաստանցիները ստացել են առաջին բուժօգնություն, որից հետո նրանց տեղափոխել են Ռուսաստանի Դաշնության տարածք` հետագա բուժման նպատակով:

Աբխազիայի ՆԳՆ-ն նշում է, որ կրակ բացած տեղի բնակիչը նախկինում որպես մեղադրել է անցել ապօրինի զենք ձեռք բերելու, պահելու և կրելու փաստով քրեական գործով: