Չեխիան փակում է ՌԴ-ում իր հյուպատոսությունների վիզային բաժանմունքները

Չեխիան հուլիսի 1-ից ժամանակավոր փակում է վիզայի տրամադրման բաժինները Ռուսաստանում գտնվող իր բոլոր հյուպատոսություններում (Մոսկվայում, Սանկտ Պետերբուրգում, Եկատերինբուրգում):

«Երկարաժամկետ վիզաների, երկարաժամկետ կացության և բնակության մշտական վայրի ձևակերպման համար դիմումների գրանցումը չեղարկվում է: Մինչև 2021 թվականի հունիսի 30-ը ներկայացված դիմումների գործընթացը ևս ժամանակավորապես դադարեցվում է: Կասեցվում է նաև ավելի վաղ հաստատված վիզաների տրամադրումը»,- ասվում է հայտարարության մեջ:

Նշվում է, որ որոշումը պայմանավորված է Ռուսաստանում համաճարակաբանական իրավիճակի վատթարացմամբ: Թե երբ վիզային բաժանմունքները կվերսկսեն իրենց աշխատանքը, հայտնի չէ: