Ռուսաստանի հայերի միությունը դիմել է ՄԱԿ-ին՝ կապված Ադրբեջանի կողմից ՀՀ պետական սահմանի խախտման հետ
Ռուսաստանի հայերի միությունը դիմել է ՄԱԿ-ին՝ կապված Ադրբեջանի կողմից Հայաստանի Հանրապետության պետական սահմանի խախտման հետ:
Մայիսի 13-ին Ադրբեջանի տարածքային ամբողջականության ոտնձգության և Ադրբեջանի զինված ուժերի կողմից Հայաստանի պետական սահմանը խախտելու կապակցությամբ Ռուսաստանի հայերի միությունը դիմել է ՄԱԿ-ի Գլխավոր քարտուղարին և Անվտանգության խորհրդի անդամ երկրների ներկայացուցիչներին՝ հրավիրելով նրանց ուշադրությունը պաշտոնական Բաքվի կողմից ՄԱԿ-ի կանոնադրության և միջազգային իրավունքի նորմերի խախտմանը, մասնավորապես՝
- ինքնիշխան պետության՝ ՄԱԿ-ի անդամ Հայաստանի Հանրապետության պետական սահմանը հատելու հաստատված փաստ։
- 3,5 կմ սահմանի հատում եւ ադրբեջանական զորքերի տեղակայում հայկական բնակավայրերի շրջակայքում:
«ՄԱԿ-ի անդամ Ադրբեջանը վերջերս ցույց տվեց իր կողմից ՄԱԿ-ի Կանոնադրության և գործող միջազգային իրավական նորմերի բացահայտ անտեսում` վտանգելով ոչ միայն Հայաստանի Հանրապետության տարածքային ամբողջականությունը, այլև քաղաքացիական բնակչության կյանքն ու անվտանգությունը: Հայաստանի Հանրապետության տարածքում ընթացող նման գործողությունները կարող են սրել և ապակայունացնել իրավիճակը տարածաշրջանում և հանգեցնել ընդհուպ զինված հակամարտության»:
Ռուսաստանի հայերի միությունը անհրաժեշտ է համարում ակտիվացնել Ադրբեջանի վրա ազդելու ՄԱԿ-ի բոլոր հնարավոր միջոցները`այս երկիրը իրավական դաշտ վերադարձնելու, իր զորամասերը հնարավորին շուտ դուրս բերելու և ստատուս քվոն վերականգնելու համար:
Comments