Գերմանիայում ՌԴ դեսպանը Պուտինի և Մերկելի բանակցությունները գնահատել է գերազանց

Կրեմլում Ռուսաստանի նախագահ Վլադիմիր Պուտինի հանդիպումը Գերմանիայի կանցլեր Անգելա Մերկելի հետ լավ է անցել։ Այդ մասին ասել է Գերմանիայում ՌԴ դեսպան Սերգեյ Նեչաևը:

«Գերազանց, ինչպես միշտ»,- ասել է դիվանագետը՝ պատասխանելով այն հարցին, թե ինչպես են ընթացել առաջնորդների բանակցությունները:

Ուրբաթ օրը Պուտինը և Մերկելը հանդիպել են սկզբում նեղ, իսկ ավելի ուշ՝ ընդլայնված պատվիրակության կազմով։ Պուտինի ու Մերկելի բանակցությունները տևել են գրեթե երեք ժամ։