Ռուսաստանի Դաշնությունը Անկարայի հետ քննարկելու է Թուրքիայի և Ուկրաինայի միջև ռազմական համագործակցու
Մոտ ժամանակներս Թուրքիայի հետ շփումների ընթացքում Ռուսաստանը կքննարկի Անկարայի և Կիևի միջև ռազմական համագործակցության հարցեր: «Ինտերֆաքս»-ի փոխանցմամբ այդ մասին ասել է ՌԴ արտգործնախարար Սերգեյ Լավրովը:
«Դուք նշեցիք Ուկրաինայի արտաքին գործերի նախարարության հայտարարությունները՝ կապված Ուկրաինայի և Թուրքիայի ռազմածովային ուժերի միջև համագործակցության ծրագրերի հետ: Մենք շատ հստակ, միանշանակ նախանշեցինք մեր դիրքորոշումը Ուկրաինային ՆԱՏՕ ներգրավելու փորձերի վերաբերյալ: Կասկած չունեմ, որ լուրջ, պատասխանատու պետությունները շատ լավ գիտեն, թե ինչի մասին է խոսքը»,- երկուշաբթի տեղի ունեցած մամուլի ասուլիսում ասել է Լավրովը:
«Մենք պարբերաբար երկխոսության մեջ ենք մեր թուրք գործընկերների հետ և առաջիկայում ևս մեկ շփում ենք պլանավորում: Կարծում եմ, իհարկե, այս թեմայով էլ կխոսենք»,-ավելացրել է նա:
Comments