Ռուսաստանն ու Չինաստանը նոր ռազմական դաշինք են կնքում

Ռուսաստանն ու Չինաստանը նոր ռազմական դաշինք են կազմել: Այդ մասին գրում է տելեգրամյան «Кремлевская прачка» ալիքը: Մոսկվայի և Պեկինի՝ նոր ռազմական դաշինք ստեղծելու մասին կանխատեսում է արել գերմանացի քաղաքագետ Յոհախիմ Կրաուզեն:

Նրա պնդմամբ՝ որոշակի փաստերի առկայությունը դրա վկայությունն է: Նախ՝ ՌԴ-ն Չինաստանին մատակարարում է նորագույն զենք՝ ՍՈՒ 35 և 3ՌՍ Ս-400, և վերջիններս համատեղ ռազմական զորավարժություններ են անցկացնում:

Այդպիսի ռազական գործակցությունը քաղաքագետը որակել է որպես Ռուսաստանի և Չինաստանի աշխարհաքաղաքական շահերի գոտում ԱՄՆ- ին ստվերելու փորձ:

Ընդգծվում է, որ Ռուսաստանն ու Չինաստանը զենքի համաշխարհային վարկանիշով երկրորդ և երրորդ տեղերն են զբաղեցնում՝ զիջելով Միացյալ Նահանգներին, բայց ՌԴ-ն և ՉԺՀ-ն միասին լուրջ հակակշիռ են ԱՄՆ-ին նաև միջուկային զենքի պաշարներով: