Մենք չենք չարաշահելու, արդարացնելու ենք սպասելիքները․ Ռոբերտ Քոչարյան

Մենք չենք չարաշահելու, արդարացնելու ենք սպասելիքներն ու շատ արագ դրական փոփոխություններ ենք մտցնելու ՀՀ։ Այդ մասին այսօր չարենցավանցիների հետ հանդիպման ժամանակ ասաց «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանը։

Նրա խոսքով՝ այս պահին Հայաստանում կա նաև կառավարման ճգնաժամ։

«Պրիմիտիվ, էլեմենտար բաներ այս մարդիկ չեն կարող անել և պետական մեքենան չեն կարողանում աշխատացնել։ Այն աշխատացնելով՝ մենք դրական արդյունքներ ենք ունենալու, որոնք բերելու են ներդրումներ և բոլորովին այլ միջավայր»,- նշեց նա։

Ըստ Ռոբերտ Քոչարյանի՝ իրենք իրենց հանել են քաղաքական աճուրդի, իրականությունը դա է։