«Ռոման» առաջին տեղում է

ՈՒԵՖԱ Կոնֆերենցիաների լիգայի խմբային փուլի վերջին տուրում «Ռոման» մրցակցի հարկի տակ 3-2 հաշվով հաղթել է Սոֆիայի ԲԿՄԱ-ին:

«Ռոմայի» կազմում դուբլի հեղինակ է դարձել Թեմի Աբրահամը, մեկ անգամ էլ աչքի է ընկել Բորխա Մայորալը։ Հիշեցնենք, որ Հենրիխ Մխիթարյանը չէր մեկնել Սոֆիա, քանի որ «Ռոմայի» գլխավոր մարզիչ Ժոզե Մոուրինյուն որոշել էր նրան հանգստի հնարավորություն տալ։

Այս հաղթանակի շնորհիվ «Ռոման» բարձրացել է C խմբի մրցաշարային աղյուսակի առաջին հորիզոնականը՝ վաստակելով 13 միավոր և դուրս է եկել Կոնֆերենցիաների լիգայի 1/8 եզրափակիչ։ Խմբում երկրորդ տեղը զբաղեցրել է նորվեգական «Բոդո Գլիմտը» (11 միավոր)՝ ոչ-ոքի խաղալով Լուգանսկի «Զարյայի» հետ։ Նորվեգական թիմը պայքարը կշարունակի Կոնֆերենցիաների լիգայի 1/16 եզրափակչում։