Սաակաշվիլիի սիրելին այցելել է նրան բանտում

Oct 6, 2021

1 min read

Վրաստանի նախկին նախագահ Միխեիլ Սաակաշվիլիի և Ուկրաինայի Գերագույն ռադայի պատգամավոր Ելիզավետա Յասկոյի մտերիմ հարաբերությունների մասին սենսացիոն լուրը հայտնի դարձավ Սաակաշվիլիի ձերբակալության օրը՝ հոկտեմբերի 1-ին:

Այժմ Ելիզավետա Յասկոն Վրաստանում է: Հոկտեմբերի 5-ին նա այցելել է Ռուսթավիի քաղաքային բանտում գտնվող Սաակաշվիլիին: Հանդիպումից հետո Յասկոն, հրաժարվելով մեկնաբանել անձնական հարաբերությունները, հայտարարել է, որ նախանձում է Վրաստանին, որ Սաակաշվիլիի նման նախագահ է ունեցել։

«Ուկրաինայում շատ ենք նախանձում, որ դուք ունեցել եք այնպիսի նախագահ, ինչպիսին Սաակաշվիլին է: Նա նաև ուկրաինացի քաղաքական գործիչ է: Ես իսկապես ուզում եմ, որ դուք նրան պաշտպանեք», – ասել է Յասկոն՝ նշելով, որ հպարտ է Սաակաշվիլիի արարքով: