Ադրբեջանը սադրում է, որ մեր ներսում խաղաղության օրակարգի հանդեպ դիմադրություն ստեղծվի․ Փաշինյան

«Մենք ընդդիմությանն ասում ենք՝ կա խնդիր, այն ընդհանուր է, եկեք մասնակցեք դրա լուծմանը»,- այսօր խորհրդարանում հայտարարեց ՀՀ վարչապետ Նիկոլ Փաշինյանը։

Նրա խոսքով՝ ընդդիմությունը խորհրդարանում ասում է այն, ինչ ասել է յոթ ամիս շարունակ։

«Եղել է ժամանակը, իսկ կառավարությունը որևէ բան չի ասել, որևէ բառի չի արձագանքել»,- նշեց նա։

Վարչապետի խոսքով՝ ընդդիմությունն անդրադառնում է Ադրբեջանի նախագահ Իլհամ Ալիևի հայտարարություններին։

«Բայց Ալիևը նոր է նման հայտարարություններ անո՞ւմ, առաջին անգամ է դա արվո՞ւմ»,- ասաց նա։

Ըստ Նիկոլ Փաշինյանի՝ Ադրբեջանը սադրանքներ է անում, որ մեր ներսում խաղաղության օրակարգի հանդեպ դիմադրություն ստեղծվի։