«Լա՛վ եղեք»․ ԳՇ պետի առաջին տեղակալի պատասխանը՝ սահմանային վիճակի մասին հարցին

ԱԺ ժամանած բարձրաստիճան պաշտոնյաները խուսափում են խոսել սահմանային մասին։ Այսօր ԱԺ փակ նիստին մասնակցելու համար խորհրդարան էին եկել ԳՇ պետի առաջին տեղակալ Կամո Քոչունցը և ԱԱԾ սահմանապահ զորքերի հրամանատար Արման Մարալչյանը։

Լրագրողները փորձեցին հետաքրքրվել, թե ինչ է կատարվում սահմանին, սակայն նրանք որևէ բառ չասացին։ Միայն Քոչունցը, արձագանքելով սահմանին տիրող վիճակի մասին հարցին, լրագրողներին մաղթեց լավ լինել։

«Լավ եղեք»,- ասաց նա։

ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանն էլ շտապեց լրագրողների հարցերից ազատել ԳՇ և ԱԱԾ ներկայացուցիչներին՝ ասելով, որ նրանք նիստի ավարտին կպատասխանեն հարցերի։