ՍԴ-ն մերժեց «Զարթոնք» կուսակցության միջնորդությունները

Սահմանադրական դատարանը մերժել է «Զարթոնք» կուսակցության ներկայացրած միջնորդությունները:

ՍԴ նախագահ Արմեն Դիլանյանը հայտարարեց, որ ՍԴ-ն որոշում է կայացրել մերժել կուսակցության ներկայացրած միջնորդությունները: Մերժվել են ՊԵԿ-ից և վարչապետի աշխատակազմից հանրային ծառայողների քանակի վերաբերյալ միջնորդությունը, ինչպես նաև ՏԿԵ-ից ընտրության օրը հոսանքազրկումների տևողության և պատճառների վերաբերյալ միջնորդությունները։

«Զարթոնք» կուսակցությունը պահանջում էր նաև ԱԱԾ-ից տեղեկություն ստանալ, թե ընտրություններին մասնակցած քաղաքացիներից յուրաքանչյուրը վերջին անգամ երբ է լքել ՀՀ պետական սահմանը և երբ վերադարձել։