«Ադրբեջանցիները ժողովրդից խլում են այն ամենն ինչ հնարավոր է». Սենոր Հասրաթյան

Արցախի ԶՈւ տեղեկատվության ու հասարակայնության հետ կապերի բաժնի նախկին ղեկավար Սենոր Հասրաթյանն ֆեյբուքյան իր էջի գրառման մեջ անհանգստություն է հայտնել, որ ադրբեջանցիները ժողովրդից խլում են այն ամենն ինչ հնարավոր է:

«Մենք ստիպված ենք փրկություն որոնել այնտեղ, որտեղ մեր նմաներին չեն հարգում: Ավելին, նրանք մեր թուլությունն օգտագործելով՝ անում են այն, ինչը բխում է իրենց շահերից»,- գրել է Հասրաթյանը:

Նրա խոսքով՝ զիջել կարելի է, եթե դրա դիմաց մենք կստանանք նվազագույնը, հանուն որի տարիներ առաջ պայքարել ենք:

«Պետք է ունենալ մտածող ու ազգային շահը գիտակցող իշխանություն, այլ ոչ թե պատահականությունների մի խմբակ, որը պատրաստ է «հանուն խաղաղության» զիջել այն ամենը, ինչը փորձում է ստանալ թշնամին»,- ասել է նա: