Սերժ Սարգսյանն առաջիկայում նոր հայտարարություն կանի․ «Ժողովուրդ»
Առաջիկա օրերին հայտարարությամբ հանդես կգա ՀՀԿ նախագահ Սերժ Սարգսյանը: Խոսքը վերաբերում է մասնավորապես արտահերթ խորհրդարանական ընտրություններին իր մասնակցությանը:
«Ժողովուրդ»-ի տեղեկություններով՝ նա հայտարարելու է, թե անձամբ չի մասնակցելու հունիսի 20-ին կայանալիք ընտրություններում, այսինքն ընտրացուցակում իր անունը չի լինելու: Մենք տեղեկացանք, որ այժմ Սերժ Սարգսյանի թիմն աշխատում է այդ տեքստի վրա, որպեսզի կարողանան հիմնավորել այդ հանգամանքը:
Հիշեցնենք, որ արտահերթ խորհրդարանական ընտրություններին ՀՀԿ-ն մասնակցելու է ԱԱԾ նախկին տնօրեն Արթուր Վանեցյանի գլխավորած «Հայրենիք» կուսակցության հետ դաշինքով: Հիշեցնենք նաեւ, որ ի սկզբանե ՀՀԿ-ն հայտարարում էր, թե Նիկոլ Փաշինյանի վարչապետության օրոք ընտրությունների գնալ անիմաստ է: Սակայն ի վերջո որոշում կայացվեց մասնակցել և այն էլ դաշինքով:
Comments