Մեր հիմնական հայտարարությունը կլինի քվեարկության ավարտից անմիջապես հետո․ Սերժ Սարգսյան

Ամբողջ իրավապահ համակարգը հատկապես քարոզարշավի վերջին օրերին ակնհայտ հրահանգավորումով լծված են բիրտ ուժ կիրառելուն։ Այդ մասին այսօր իր քաղաքացիական պարտքը կատարելուց հետո լրագրողների հետ զրույցում ասաց «Պատիվ ունեմ» դաշինքի ներկայացուցիչ, ՀՀ երրորդ նախագահ Սերժ Սարգսյանը։

Նրա խոսքով՝ դաշինքի անդամների նկատմամբ անօրինական ու անհիմն խուզարկություններ են իրականացվել։

«Մենք առավոտից ուշադիր հետևում ենք իրադարձություններին, և կարծում եմ՝ օրվա երկրորդ կեսին միջանկյալ հայտարարություն կանենք»,- նշեց նա։

Դաշինքի հիմնական հայտարարությունը, Սերժ Սարգսյանի խոսքով, կլինի քվեարկության ավարտից անմիջապես հետո։