Սերժ Սարգսյանն ընդունել է Եվրոպայի կանանց չեմպիոն Էլինա Դանիելյանին

ՀՇՖ նախագահ Սերժ Սարգսյանը Հայաստանի շախմատի ֆեդերացիայում ընդունել է Եվրոպայի կանանց նորընծա չեմպիոն Էլինա Դանիելյանին և շնորհավորել հաղթանակի կապակցությամբ։ Այդ մասին տեղեկանում ենք Շախմատի ֆեդերացիայի տարածած հաղորդագրությունից:

Հայաստանի կանանց հավաքականի առաջատար, գրոսմայստեր Էլինա Դանիելյանը հռչակվել է Եվրոպայի կանանց 2021 թվականի չեմպիոն՝ 11 հնարավորից հավաքելով 9 միավոր: Դանիելյանը վերջին տուրում հաղթեց Էստոնիան ներկայացնող Նարվա Մային: Այս հաղթանակը նորանկախ Հայաստանի պատմության մեջ առաջին նմանատիպ հաջողությունն է թե՛ կանանց, թե՛ տղամարդկանց շրջանում: