«Արևմուտք-2021» զորավարժություններին հարվածային մարտական ռոբոտներ կներգրավվեն. Շոյգու

Զինվորականները սեպտեմբերին կայանալիք «Արևմուտք-2021» ռազմավարական զորավարժությունների ժամանակ կգործարկեն մարտական ռոբոտատեխնիկական համալիրները: ՏԱՍՍ գործակալության փոխանցմամբ՝ այդ մասին հայտնել է ՌԴ պաշտպանության նախարար Սերգեյ Շոյգուն «Բանակ-2021» միջազգային համաժողովում:

«Ռոբոտ-սակրավորներն ամենասկիզբն էին, որի հետ զուգահեռ մշակվել են մարտական, հարվածային ռոբոտներ: Եվ ես կարծում եմ, որ «Արևմուտք-2021» զորավարժություններում, իհարկե, կտեսնեք և ոչ թե մեկը կամ երկուսը: Դա արդեն արդյունաբերական նշանակություն ունի, խոսքն արդեն տասնյակ մարտական հարվածային ռոբոտների մասին է, որոնց զենքը գործում է մինչ 5 կմ հեռահարությամբ»,- ասել է Շոյգուն: