Հուզված էի. ինչո՞ւ էր Սիմիդյանը ԱԺ-ում նախագիծ ներկայացնելիս ժպտում
- Jan 20, 2022
- 1 min read
Շրջակա միջավայրի նախարար Հակոբ Սիմիդյանը լրագրողների հետ զրույցում պարզաբանել է, որ երեկ հուզված էր, քանի որ առաջին անգամ է նախագիծ զեկուցել, դրա համար էր ԱԺ-ում կառավարության նախագիծը ժպտալով զեկուցում.
«Շատ տարատեսակ մեկնաբանություններ եղան դրա հետ կապված, որոնք անհասկանալի էին ինձ համար: Ես կարծում եմ, որ ժպտալը նման մեկնաբանությունների առիթ պետք է չտար, բայց, ցավոք սրտի, եղան տարատեսակ մեկնաբանություններ»,-ասաց Սիմիդյանը:
Լրագրողի հարցին՝ արդյո՞ք Նիկոլ Փաշինյանի կողմից ճնշումներ կան իր և մյուս նախարարների վրա, Հակոբ Սիմիդյանն ասաց. «Մեր կառավարությունում նման բան գոյություն չունի»:
Comments