Սիսակ Գաբրիելյանը՝ ԱԺ գիտության, կրթության և երիտասարդության հանձնաժողովի նախագահ

Ազգային ժողով «Քաղաքացիական պայմանագիր» խմբակցությունը ԱԺ գիտության, կրթության, մշակույթի, սփյուռքի, երիտասարդության և սպորտի հարցերով մշտական հանձնաժողովի նախագահի պաշտոնում առաջադրեց պատգամավոր Սիսակ Գաբրիելյանի թեկնածությունը: 

Թեկնածուին ներկայացրեց «Քաղաքացիական պայմանագիր» խմբակցության անդամ Թագուհի Ղազարյանը: Պատգամավոր Կնյազ Հասանովը քննարկումների ժամանակ բարձրացրեց ազգային փոքրամասնությունների շրջանում մանկավարժների, մայրենի լեզվի ուսուցիչների պակասի հարցը՝ խնդրելով ուշադրություն դարձնել այս խնդրին: Ի պատասխան Գաբրիելյանը նշեց, որ միանշանակ աջակցելու են ազգային փոքրամասնությունների ներկայացուցիչներին նմանօրինակ հարցերում: