Այս երկրում մենք տե՞ր ենք, թե՞ ուղղակի պաշտոններ ենք զբաղեցնում․ Սոֆյա Հովսեփյանը՝ պատգամավորներին

ԱԺ պատգամավորներն ապրում են Հայաստանո՞ւմ, թե՞ մեկ այլ երկրում և կտրված են իրականությունից․ Աժ արտահերթ նիստի ընթացքում ցանկացավ ճշտել պատգամավոր Սոֆյա Հովսեփյանը։

«Իշխող խմբակցության որևէ պատգամավորի կողմից չտեսանք դատապարտող ելույթ տեղի ունեցածի վերաբերյալ։ Պետությանն ու ժողովրդին ահռելի ապտակ է հասցվել, իսկ դուք վերաբերմունք չեք ցուցաբերում։ Ուզում եմ հասկանալ՝ ձեզ համար նորմա՞լ էին առողջապահության նախարարի պաշտոնակատարի հնչեցրած հերքումները և բացատրությունները։ Նորմա՞լ է, որ երեկ ադրբեջանցիները հայ զինվորների նկատմամբստորացուցիչ վերաբերմունք էին ցուցաբերում։ Այս երկրում մենք տե՞ր ենք, թե՞ ուղղակի եկել ենք ու պաշտոններ ենք զբաղեցնում»,- ասաց պատգամավոր Սոֆյա Հովսեփյանը՝ անդրադառնալով Աբովյանի դատաբժշկական կենտրոնի կադրերին։

Նա կոչ արեց պատգամավորներին նիստի ընթացքում վերաբերմունք արտահայտել առողջապահության նախարարի հայտարարության վերաբերյալ։