Սոմալիում տեղի ունեցած պայթյունի հետևանքով զոհվել է յոթ մարդ

Սոմալիի մայրաքաղաք Մոգադիշոյում պայթյունի հետևանքով զոհվել է 7 մարդ, 9-ը վիրավորվել են:

«Յոթ մարդ զոհվել է, ևս 9-ը՝ վիրավորվել Մոգադիշոյի Էլ Գաբ շրջանում մահապարտի պայթյունի հետևանքով», - ըստ ՌԻԱ նովոստի-ի՝ իր Twitter-ի էջում գրել է տեղի SNTV News-ը՝ վկայակոչելով ոստիկանությանը:

Ինչպես հայտնում է Garowe պորտալը, պայթյունը տեղի է ունեցել նախագահական նստավայրի մոտ:

Պորտալի տվյալներով՝ հարձակման պատասխանատվությունը ստանձնել են «Ալ-Շաբաբ» արմատական խմբավորման գրոհայինները, որոնք կապված են «Ալ-Քաիդա» ահաբեկչական խմբավորման հետ:

Ավելի վաղ «Somali Guardian»-ը հայտնել էր, որ Սոմալիի հարավում ինքնաշեն պայթուցիկ սարքի գործարկման մասին, որի հետևանքով զոհվել էր յոթ խաղաղապահ: Ահաբեկչության պատասխանատվությունը կրկին ստանձնել էին «Ալ-Շաբաբի» զինյալները: