«Ուրարտու»-ն պարտվեց Երևանում և դուրս մնաց Կոնֆերենցիաների լիգայից

Ֆուտբոլի Կոնֆերենցիաների լիգայի որակավորման առաջին փուլի պատասխան խաղի շրջանակներում Երևանի «Ուրարտու»-ն սեփական հարկի տակ ընդունել էր սլովենական «Մարիբոր»-ին:

«Արմենպրես»-ի հաղորդմամբ` «Ուրարտու»-ի մարզաբազայի մարզադաշտում կայացած խաղի մեկնարկն ընթանում էր փոխադարձ գրոհներով: «Ուրարտու»-ն խաղակեսի միջնամասում մի քանի լուրջ հնարավորություն ուներ, սակայն առավել սուր գրոհում էր «Մարիբոր»-ը: Թիմերն ընդմիջման գնացին զրոյական ոչ-ոքի հաշվով:

Երկրորդ կեսի մեկնարկում «Ուրարտու»-ն գրոհում էր, սակայն մրցակցի դարպասը տանող ճանապարհն այդպես էլ չէր գտնում: «Մարիբոր»-ը շեշտը դրել էր արագ հակագրոհների վրա, որը նույնպես արդյունավետ չէր մինչև 84-րդ րոպեին: «Մարիբոր»-ի կազմում գոլի հեղինակ դարձավ Դանիել Շտուրմը:

«Ուրարտու»-«Մարիբոր»` 0:1:

Թիմերի առաջին հանդիպումն ավարտվել էր «Մարիբոր»-ի նվազագույն առավելությամբ (1:0): «Ուրարտու»-ն դուրս մնաց հետագա պայքարից: