Փոխվել է «Արարատ»-«Ալաշկերտ» հանդիպման օրը

Հայաստանի ֆուտբոլի ֆեդերացիան տեղեկացնում է, որ փոփոխություն է տեղի ունեցել VBET Հայաստանի Պրեմիեր լիգայի 6-րդ տուրի խաղացանկում։

«Արարատ»-«Ալաշկերտ» հանդիպումը, նշանակված սույն թվականի սեպտեմբերի 12-ին, կկայանա սեպտեմբերի 11-ին և կմեկնարկի ժամը 17։00-ին։

Փոփոխությունը կապված է ՈւԵՖԱ-ի Կոնֆերենցիաների լիգայի «Մաքքաբի Թել Ավիվ»-«Ալաշկերտ» խաղի օրվա փոփոխության հետ։ Այդ հանդիպումը, նախապես նշանակված սեպտեմբերի 16-ին, կկայանա սեպտեմբերի 14-ին։