Սուդանում ցուցարարները դադարեցրել են օդանավակայանի աշխատանքը

Sep 24, 2021

1 min read

Ցուցարարների խումբը ներխուժել Է Սուդանի հյուսիս-արևելքում գտնվող Պորտ Սուդան քաղաքի օդանավակայան, ինչի արդյունքում դադարեցվել է ավիահաղորդակցությունը. փոխանցում է ՌԻԱ Նովոստի-ն:

Ավելի վաղ Սուդանի Արևելքի ցեղերի ներկայացուցիչները՝ մասնավորապես բեջա ցեղի, փակել էին մայրաքաղաք Հարթումի և Պորտ Սուդանի միջև ճանապարհը, ինչի հետևանքով դժվարացել էր երկրի քաղաքների միջև բեռների փոխադրումը:

Ցուցարարները ցանկանում են փոփոխություններ իրականացնել 2020թ. հոկտեմբերի խաղաղության համաձայնագրում: Համաձայնագիրը կնքվել էր Սուդանի կառավարության և Ջարֆուր ցեղի ներկայացուցիչների միջև: Այս փաստաթուղթը նախատեսում է իշխանության բաժանում, ընդգրկում ազգային բանակում և դաշնային ու տեղական կառավարման մարմիններում: