Սևան լճի ծաղկման ինտենսիվությունը նվազել է․ փորձագետ
Սևանա լճի ծաղկման շրջանն արդեն սկսվել է, բայց ոչ այն ինտենսիվությամբ, ինչ ակնկալվում էր։ Նման կարծիք հայտնեց հիդրօդերևույթաբանության և մոնիթորինգի կենտրոնի տնօրենի տեղակալ Գայանե Շահնազարյանն այսօր՝ մամուլի ասուլիսի ժամանակ։
«2018- ի համեմատ, պայմանավորված սնուցող նյութերի քանակի ցածր ցուցանիշներով, ենթադրվում է ավելի թույլ ինտենսիվության ծաղկում»,- պարզաբանեց Շահնազարյանը։
Հատուկ պահպանվող տարածքների և կենսաբազմազանության վարչության պետ Ոսկեհատ Գրիգորյանն էլ ներկայացրեց միջոցառումների ամբողջություն Սևանա լճի էկոհամակարգի բարելավման և պահպանման առնչությամբ։
«Սևանա լճի շրջակա միջավայրի պահպանության համար 2021 թ․ մարտին մեկնարկել է 48- ամսյա 5 մլն եվրո դրամաշրոհային ծրագիր Եվրոմիության և Գերմանիայի Դաշնային Հանրապետության կողմից։ Այն նախատեսում է բարելավել Սևանա լճի էկո համակարգի մի քանի ուղղությամբ, մասնավորապես, բարելավել Սևանա լճի ու ավազանի մշտադիտարկաման, հողի օգտագործման և մշակման գործընթացները, բնական լուծումներ կիրառել լիճ հոսող կոյուղու և կեղտաջրերի մաքրման համար»,- ասաց նա։
Ոսկեհատ Գրիգորյանը նշեց, որ նախատեսվում են նաև Սևանա լճի հիմնախնդիրների մասին հասարակության իրազեկման բարձրացմանը և էկոհամակարգի կառավարմանը միտված միջոցառումներ։
Comments