Կապանից Ճակատեն ճանապարհին ադրբեջանական զինվորներ են. մարդիկ խուսափում են երթևեկել. ՄԻՊ (տեսանյութ)
- May 6, 2021
- 1 min read
Խորհրդարանը քննարկում է Մարդու իրավունքների պաշտպանի տարեկան զեկույցը: Արման Թաթոյանը ամբիոնից մանրամասն ներկայացրել է տարվա ընթացքում կատարած աշխատանքը: Անդրադարձել մի շարք խնդիրների, որոնք առնչվում են կորոնավիրուսի և պատերազմի ընթացքում մարդու իրավունքների ոտնահարմանը: Պաշտպանը դատապարտել է թե' իշխանության, թե' ընդդիմության ներկայացուցիչների՝ մարդու արժանապատվությունը նսեմացնող գործելակերպը: Իսկ քաղաքացու իրավունքներին առնչվող խնդիրները, ըստ Թաթոյանի, ավելացել են Սյունիքիում:
Շեշտակիորեն ավելացել են խնդիրները պատերազմի, զինված հարձակուների պատճառով՝ խորհրդարանում ՄԻՊ տարեկան զեկույցը ներկայացնելիս նշեց ՀՀ ՄԻՊ Արման Թաթոյանը:
«Անգամ տեղաշարժման հետ կապված խնդիրներ են առաջ եկել: Եթե Կապանից մարդը գնում է դեպի Ճակատեն, Ներքին Շիկահող, Սրաշեն, Ծավ, Ներքին Հանդ, ճանապարհին կան ադրբեջանական ցուցանակներ, դրոշներ, զինվորներ: Մարդիկ խուսափում են այդ ճանապարհներով երթևեկելուց, օրինակ, երեկոյան ժամերին, որովհետև մտավախություն ունեն անվտանգության համար»,- նշեց Թաթոյանը:
Նյութի աղբյուրը՝ ArmDaily
Comments