Սյունիքի մարզպետարանի որոշ աշխատակիցներ պատվաստվել են կորոնավիրուսի դեմ

Հուլիսի 15-ին Սյունիքի մարզպետարանի աշխատակազմին հյուրընկալվել էին Կապանի բժշկական կենտրոնի տնօրեն Կարեն Մելքոնյանը եւ COVID-19-ի դեմ պատվաստումների գործընթացում ներգրավված մասնագետները։

Նրանք անհրաժեշտ տեղեկություններ տրամադրեցին պատվաստումների ընթացքի, պատվաստանյութերի տեսակների ու առանձնահատկությունների, առաջնահերթ ցուցումների, հակացուցումների, հնարավոր բարդացումների, մարզում առկա վիճակագրության մասին, մասնագիտական պարզաբանումներով պատասխանեցին ներկաներին հուզող հարցերին։

Հանդիպումից հետո մարզպետարանի այն աշխատակիցները, որ ցանկություն հայտնեցին (15 հոգի), հենց տեղում պատվաստվելու հնարավորություն ունեցան։

Գործընթացը շարունակվում է: