Եղիսաբեթ II թագուհին կրկին չեղարկել է խորհրդակցությունները կորոնավիրուսով վարակման պատճառով
- marineyeremyan99
- Feb 25, 2022
- 1 min read
Թագուհին կրկին չեղարկել է վիդեոկոնֆերանսի ձեւաչափով խորհրդակցությունները՝ կորոնավիրուսով վարակման պատճառով։ Այս մասին հայտնում է BBC News-ը՝ վկայակոչելով Բուքինգհեմյան պալատը:
95-ամյա Էլիզաբեթ II հինգշաբթի օրը ավելի վաղ նախատեսված երկու խորհրդակցություն է չեղարկել։ Ինչպես հայտարարել են միապետի գլխավոր նստավայրում, նա դեռ հիվանդության մեղմ ախտանիշներ է զգում, բայց շարունակում է աշխատել փաստաթղթերի հետ: «Նորին մեծությունը շարունակում է չծանրաբեռնող հասարակական պարտականությունների կատարումը։ Այս շաբաթվա համար այլ միջոցառումներ նախատեսված չեն»,- ասվում է Բուքինգհեմյան պալատի ներկայացուցչի հայտարարության մեջ։
Նախատեսված միջոցառումների չեղարկում մեկ շաբաթվա ընթացքում երկրորդ անգամ է տեղի ունենում:
Չորեքշաբթի՝ փետրվարի 23-ին, չնայած առողջական խնդիրներին, Եղիսաբեթ թագուհին հեռախոսով ամենշաբաթյա ավանդական խորհրդակցություն է անցկացրել վարչապետ Բորիս Ջոնսոնի հետ։ Ենթադրվում է, որ թագուհին եւ վարչապետը քննարկել են միջազգային լարված իրավիճակը։
Comments