Վստահ եմ՝ պարոն Վանեցյանն ունի լավ մարդկային հարաբերություններ աշխարհի տարբեր երկրներում․ Թովմասյան
«Քաղաքացիական պայմանագիր» խմբակցության պատգամավոր Զարուհի Բաթոյանն այսօր Ազգային ժողովում «Պատիվ ունեմ» խմբակցության պատգամավոր Թագուհի Թովմասյանին հիշեցրեց Արթուր Վանեցյանի հայտարարությունն այն մասին, որ, եթե ունենա իշխանություն, կարող է իր կապերի միջոցով երեք օրվա ընթացքում լուծել հայ գերիների հարցը:
Բաթոյանը հետաքրքրվեց՝ Թովմասյանը տեղյա՞կ է, թե ինչ կապերի մասին է խոսքը։
«Զուտ անձնական կապերի մասի՞ն է խոսքը, թե՞ այն կապերի, որ նա ձեռք է բերել աշխատանքային գործունեության ընթացքում՝ մեր կառավարության հետ որպես ԱԱԾ տնօրեն աշխատելիս: Պատգամավորի մանդատ ունենալը բավարա՞ր է, որպեսզի ձեր խմբակցության ղեկավարը հանձնաժողովի նախագահի պաշտոնում ձեր ընտրվելու դեպքում օգնի, որպեսզի իրականացվեն գերիների ազատմանն ուղղված գործողություններ»,- հարցրեց նա:
Թովմասյանը պատասխնեց՝ հիշեցնելով, որ Վանեցյանը ԱԱԾ երկարամյա փորձ ունեցող սպա է, վերջին երեք տարիներին չէ, որ նա կապեր է հաստատել։ Հա նշեց, որ Վանեցյանը հստակ խոսել է իշխանություն լինելու դեպքում խնդրին լուծում տալու հնարավորության մասին, մինչդեռ այսօր նա ընդդիմադիր խմբակցության ղեկավար է, և այս պահին այդ կարգավիճակով անկարելի է լուծել հարցը:
Մանրամասները՝ տեսանյութում:
Comments