Կրո՞ւմ եք պատասխանատվություն իշխող ուժի անդամ եղած ժամանակաշրջանի համար. Ռուբինյանը՝ Թովմասյանին

Ազգային ժողովի փոխխոսնակ Ռուբեն Ռուբինյանն այսօր Մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածու Թագուհի Թովմասյանից հետաքրքրվեց, թե արդյոք վերջինս քաղաքական պատասխանատվություն կրո՞ւմ է իշխող ուժի անդամ եղած ժամանակ կատարվածների համար։

Ի պատասխան՝ Թովմասյանն ասաց. «Ես երբեք պատասխանատվությունից խուսափող տեսակ չեմ, ես կրում եմ պատասխանատվությում իմ բոլոր քայլերի և դրանց հետևանքների համար, բայց ես սովոր եմ պատասխանատվություն կրել այն ամենի համար, ինչից տեղյակ եմ։ Դուք շատ լավ գիտեք, որ խմբակցության ներսում և, հատկապես, պատերազմական իրավիճակում ու դրանից հետո խմբակցությունն, ընդհանրապես, տեղյակ չի եղել իշխանության որևէ գործողության, դրա հիմնավորումների մասին, և, եթե տեղյակ չեմ, բնականաբար, չեմ կարող կրել պատասխանատվություն անտեղյակության համար»։

Մանրամասները՝ տեսանյութում։