Թալիբները հայտնել են, որ Աֆղանստանում աղջիկները շուտով կվերադառնան դպրոց

Աֆղանստանում իշխանությունը զավթած «Թալիբան» արմատական ​​շարժումը նախատեսում է, որ աղջիկներն առաջիկայում կվերսկսեն դասերը դպրոցներում: Այդ մասին այսօր հայտարարել է արմատականների ներկայացուցիչ, Աֆղանստանի ժամանակավոր կառավարությունում տեղեկության և մշակույթի փոխնախարար Զաբիուլլահ Մուջահիդը, փոխանցում է ՏԱՍՍ լրատվական գործակալությունը:

«Ներկայում աշխատում են դասարանների բաժանման, ինչպես նաև աղջիկների համար ուսուցիչներ նշանակելու ուղղությամբ»,- նշել է Մուջահիդը:

Աֆղանստանի կրթության նախարարությունը տեղեկացրել էր, որ երկրի դպրոցների 1-6-րդ դասարանների դասերը կվերսկսվեն սեպտեմբերի 18-ից, սակայն մինչ այժմ կրթական գործընթացին ընդգրկված են միայն տղաներ և տղամարդ ուսուցիչներ: