Թալիբները սահմանափակել են համացանցի և կապի հասանելիությունը Փանջշեր նահանգում

«Թալիբան» ծայրահեղական շարժման ներկայացուցիչները զգալիորեն սահմանափակել են համացանցի հասանելիությունը և կապը աֆղանական Փանջշեր նահանգի հետ: Այդ մասին հայտնում է ՏԱՍՍ գործակալությունը՝ հղում անելով տեղում աշխատող լրագրողների թվիթերյան գրառումներին:

«Տեղի աղբյուրները հայտնում են, որ Փանջշերում համացանցի հասանելիությունն ու կապի ծառայությունները գործնականում ամբողջությամբ արգելափակվել են «Թալիբանի» կողմից»,- հայտնել է թղթակիցներից մեկը՝ հավելելով, որ այս նահանգում թալիբների՝ իշխանության գալուց ի վեր դիմակայության ուժեր են ստեղծվում: