Փանջշիրում թալիբները, կրելով կորուստներ, նահանջել են մի քանի ուղղություններով
«Թալիբան» արմատական շարժման գրոհայինները, որոնք իշխանությունը զավթեցին Աֆղանստանում, ուրբաթ գիշեր ինտենսիվ մարտերի ժամանակ, կրելով հսկայական կորուստներ, ստիպված են եղել նահանջել հյուսիսային Փանջշիր նահանգի ծայրամասում գտնվող մի քանի ուղղություններով, որոնք այդպես էլ չեն ենթարկվել նրանց: Այդ մասին Interfax-ին հայտնել է տարածաշրջանում Ազգային դիմադրության ճակատին մոտ կանգնած աղբյուրը: «Ուշ երեկոյան և գիշերը թալիբները փորձեցին ներխուժել Փանջշիր արևմուտքից՝ Անդարաբի հովիտով և Պուլե-Հիսար շրջանով մինչև Հավակի լեռնանցքը, ինչպես նաև հարավից՝ Գյուլբահարով: Յուրաքանչյուր ուղղությամբ նրանք ստիպված են եղել նահանջել՝ կրելով հսկայական կորուստներ», - ասել է գործակալության զրուցակիցը:
Նա հերքել է «Թալիբան» շարժման կողմից նախկինում տարածված տեղեկություններն այն մասին, որ Փանջշիրում նրանց հաջողվել է գրավել չորս անցակետ և մի քանի շրջան:
Comments