Մենք ոչ թե նույն գետն ենք մտել, այլ նույն ճահիճը, որն օրըստորե կլանում է. Թեհմինա Վարդանյան
- Sep 16, 2021
- 1 min read
Երևանի ավագանու անդամ Թեհմինա Վարդանյանն իր ֆեյսբուքյան էջում գրել է.
«Հետընտրական շրջանում հաշտ չեմ ինքս ինձ հետ: Փորձում եմ տրամաբանել, մարսել, հասկանալ՝ ի՞նչ տեղի ունեցավ: Փաստորեն՝ ժողովրդական ասացվածքը՝ «նույն գետը երկրորդ անգամ չեն մտնում», սխալ է: Մենք ոչ թե նույն գետն ենք մտել, այլ նույն ճահիճը, որն օրըստորե կլանում է: Այսօր հայտնի «երգիծաբան» նախարարն ասում է՝ ի՞նչն է վատ, ամեն օր հաց ենք ուտում, քնում, արթնանում... Երևի պետք է շնորհակալ լինենք, որ լուսաբացին արևը դուրս է գալիս, երեկոյան` մայր մտնում: Արժանի՞ ենք այսպիսի ղեկավարություն ունենալ: Իհարկե արժանի ենք: Բողոքու՞մ եք: Մի՛ բողոքեք: Ձեր ընտրության կամ անտարբերության արդյունքն է: 2018-ի ընտրություններից հետո ընկալելի էր, չգիտեիք՝ ինչի հետ եք բախվում: Այժմ ինչի՞ց եք բողոքում: Լավ, ո՞րն է լինելու եզրագիծը, ի՞նչն է սթափեցնելու...»:
Comments