ԱԱԾ-ից պարզաբանումներ են ստացել «Թելեգրամ»-ով թմրանյութեր վաճառելու դեպքերի մասին․ «ArmLur»
- May 10, 2021
- 1 min read
Չնայած ԱԱԾ-ից հայտնում են, որ քննչական դեպարտամենտում հարուցվել են մի շարք քրեական գործեր եւ առկա են քրեական պատասխանատվության ենթարկված անձինք, սակայն «Տելեգրամ» հավելվածում թմրանյութերի վաճառքը չի դադարում:
ArmLur.am-ի խմբագրությունը շարունակում է ահազանգներ ստանալ. որ «Տելեգրամ» հավելվածի միջոցով անկաշկանդ միմյանց թմրանյութ են վաճառում: Իսկ ԱԱԾ-ից այս հարցի վերաբերյալ ընդամենը հայտնեցին. «ՀՀ ԱԱԾ-ն մշտապես իրականացրել եւ իրականացնում է թմրամիջոցների մաքսանենգության, դրանց ապօրինի շրջանառության դեմ ուղղված աշխատանքներ:
Այդ գործընթացի արդյունքում ԱԱԾ քննչական դեպարտամենտում հարուցվել են մի շարք քրեական գործեր, առկա են քրեական պատասխանատվության ենթարկված անձինք»:
Ավելին ArmLur.am-ը դիմել է ՀՀ ոստիկանություն պարզելու համար, թե կոնկրետ ինչ քայլեր են ձեռնարկում «Տելեգրամ» հավելվածի միջոցով թմրանյութի ակնհայտ վաճառքի գործընթացը կանխելու համար, կոնկրետ քանի անձ է հայտնվել իրավապահների տեսադաշտում, եւ քանի մեղադրյալ կա այս պահին վերոնշյալ ճանապարհով թմրանյութ ձեռք բերելու գործով:
Comments