Նիկոլ անունը իր սերնդի ու գերդաստանի համար պատուհաս է դառնալու հավետ. Տեր Հովհաննես
«Այսօրվա կապիտուլյանտ, հողատու, դավաճան վարչապետ կոչեցյալը իր անունը, իր պիտակը ջնջելու համար փորձում է թիրախավորել, սեւացնել բոլորին, նրա համար սրբություններ չկան: Բայց կապիտուլյանտը չի հասկանում, որ դավաճանի պիտակը Վասակ Սյունեցու վրայից անգամ հազար վեց հարյուր տարի հետո չի մաքրվել: Ինքը չի հասկանում, որ Նիկոլ անունը իր սերնդի ու գերդաստանի համար պատուհաս է դառնալու հավետ»,- «Իրավունք»-ի հետ զրույցում ասել է Դադիվանքից հեռացած վանահայր Տեր Հովհաննես քահանա Հովհաննիսյանը:
Հոգևորականը նշել է, որ 1700 տարի ոչ ոք չի կարողացել ծնկի բերել հայ եկեղեցին, բայց հողատուն իր առջև հենց նման նպատակ է դրել, բայց
այդ դավաճանի մոտ չի ստացվելու:
«Սիրելի՛ հայրորդիներ, մեզ գիժ առաջնորդ պետք չէ, մեզ պետք է այնպիսի առաջնորդ, ով մեր երկրին կբերի փայլուն ապագա: Հորդորում եմ, որ օր առաջ հեռացնեն այս հողատու կապիտուլյանտներին իշխանության ղեկից»,-հավելել է քահանան:
Comments