Հայաստանի սահմաները ընկալում եմ, իսկ Արցախի սահմանները որո՞նք են. Թևան Պողոսյանը՝ ԱԳՆ-ին

Նախագահի խորհրդական Թևան Պողոսյանը ֆեյսբուքյան իր էջում գրել է․

«ՀՀ ԱԳՆ, եթե դժվար չի, պարզաբանեք էլի….

«Թուրք-ադրբեջանական զորավարժությունների անցկացումը Հայաստանի ու Արցախի սահմանների և Լաչինի միջանցքի մերձակայքում գնահատում ենք»:

Հայաստանի սահմաները ընկալում եմ, իսկ Արցախի սահմանները որո՞նք են։ Քարտեզ, տեղանքի անվանում, ճանաչման փաստաթուղթ… Ես, բացի Արցախի Սահմանդրությունից, այլ փաստաթուղթ չգիտեմ, իսկ համաձայն դրա, վարժանքները տեղի են ունենում Արցախի Հանրապետության Բերձորի շրջանի ադրբեջանի կողմից օկուպացված տարածքներում։

Հուսամ կլուսավորեք, որ մարդ բան հասկանա, այլ պարագայում այս հայտարարության իմաստը ո՞րն է, Ադրբեջանին դրական ազդակներ եք ուղարկու՞մ»: