Հնարավո՞ր է պատերազմի կանխման նպատակով շրջաններ հանձնվեն Արցախում և ՀՀ-ում․ Աբրահամյանը՝ Փաշինյանին
- Aug 24, 2021
- 1 min read
«Պատիվ ունեմ» խմբակցության պատգամավոր Տիգրան Աբրահամյանը ԱԺ-ում հարցուպատասխանի ընթացքում խոսեց Արցախի ռազմական գործողությունների ընթացքում և նոյեմբերի 9-ից հետո Ադրբեջանի կողմից օկուպացված տարածքների մասին։
Նա անդրադարձավ Փաշինյանի նախկինում արված հայտարարությանը, թե ռազմական գործողություններից հետո Ակնայի, Շահումյանի, Խծաբերդի շրջանները վարչապետը հանձնել էր խուսափելու նոր ռազմական գործողություններից։ Աբրահամյանը հարցրեց՝ արդյոք հնարավո՞ր է հաջորդ պատերազմի կանխման նպատակով նոր շրջաններ հանձնվեն Արցախում ու ՀՀ-ում։
Ի պատասխան Նիկոլ Փաշինյանը ասաց․ «Եթե այդպես լիներ, նախորդ պատերազմից առաջ մեր կառավարությունն այն տարածքները զիջելու որոշում կկայցաներ, որի զիջման մասին 25 տարի տեղի է ունեցել բանակցային գործընթաց»։
Comments