Մոտ ժամանակներս հակառակորդի զորքերը դուրս կբերվեն ՀՀ տարածքից․ Տիգրան Ավինյան
- Jun 23, 2021
- 1 min read
Մոտ ժամանակներս կսկսվեն հայ-ադրբեջանական սահմանի ճգնաժամի կարգավորման բանակցությունները։
Ռուսական կողմի հետ քննարկումներ են ընթանում Գեղարքունիքի մարզում սահմանապահների տեղակայման վերաբերյալ, սակայն դա կարող է տեղի ունենալ այն դեպքում, եթե ադրբեջանական զորքերն ամբողջությամբ լքեն Հայաստանի տարածքը: Այս մասին լրագրողների հետ զրույցում ասել է ՀՀ փոխվարչապետի պաշտոնակատար Տիգրան Ավինյանը Գյումրիում Հանրային ծառայությունների միասնական գրասենյակի բացման ժամանակ։
Ավինյանի խոսքով՝ Հայաստանը սահմանային ճգնաժամի հարցում իր դիրքորոշումից չի նահանջի։ Քննարկումները հակառակորդի զորքերի դուրսբերման շուրջ շարունակվում են, և մոտ ժամանակներս սպասվում է այդ բանակցությունների ևս մեկ փուլ։ «Միանշանակ ադրբեջանական ստորաբաժանումները պետք է լքեն Հայաստանի տարածքը, և մենք ջանք չենք խնայի այդ խնդիրը լուծելու համար», - ասել է նա:
Նշենք, որ ադրբեջանցիները մայիսի 12-ից ներխուժել էին Սյունիքի մարզի Սև լճի տարածք և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներ։
Comments