Թինա Կանդելակին պաշտոն է ստացել «Գազպրոմ-մեդիա» հոլդինգում

Թինա Կանդելակին նշանակվել է ՌԴ «Գազպրոմ-մեդիա» հոլդինգի գլխավոր տնօրենի տեղակալ։ Այդ մասին հաղորդագրություն է տարածել հոլդինգի մամուլի ծառայությունը։

«Սեպտեմբերի 8-ից Թինաթին (Թինա) Կանդելակին նշանակվել է «Գազպրոմ-Մեդիա» հոլդինգի գլխավոր տնօրենի տեղակալի պաշտոնում: Իր նոր պաշտոնում Կանդելակին կշարունակի պատասխանատու լինել Match հոլդինգի զարգացման համար, ինչպես նաև կվերահսկի ժամանցային հեռուստաալիքների գործունեությունը (TNT, TV-3, Пятница! և այլն)», – նշվում է հաղորդագրության մեջ: