Թշնամին կրակել է Կարմիր Շուկայի ուղղությամբ՝ թիրախավորելով բնակելի տուն
Sep 7, 2021
1 min read
Երեկ՝ օգոստոսի 6-ին, ժամը 18։00-ի շրջանում Արցախի սահմանապահ Կարմիր Շուկա գյուղի բնակելի տներից մեկի ուղղությամբ թշնամու դիպուկահարների կրակոցներից կոտրել են պատուհանի ապակիները։ Այդ մասին MediaHub-ի հետ հեռախոսազրույցում նշել է տան բնակիչ Կարինեն։
«Ես ու տեգրակինս մեր բակում էինք, ուժեղ ձայներ լսվեցին, նա ասաց՝ ոնց որ ձեր տան պատուհաններն են ջարդվել»,- պատմեց Կարինեն։
Նրա խոսքով՝ տանը մարդ չկար այդ պահին, մի 6-7 կրակոց էր սկզբում, մի քանի ժամ հետո նորից կրակոցներ եղան։
Կարինեն նշեց, որ ռուս խաղաղապահները դեպքից մի քանի րոպե անց եկել են և տեղում ծանոթացել իրավիճակին։
Comments