Ինչով է զբաղված ՔՊ-ական պատգամավորը նիստի ժամանակ (լուսանկարներ)

MediaHub-ը ֆիքսել է, որ այսօր Ազգային ժողովի նիստի ժամանակ ՔՊ-ական պատգամավոր Ծովինար Վարդանյանը զբաղված էր հեռախոսով։

Ծովինար Վարդանյանը Երևանի ավանագու անդամ, հայտնի տիկտոկեր Նուրադ Վարդանյանի քույրն է, որը պարբերաբար նկարահանում է ավագանու նիստերն ու տեղադրում դրանք «Տիկ-տոկ»-ում։ Վարդանյանը հայտնի է «ականջ ծամելու» մասին իր գրառմամբ, որում մասնավորապես նշել էր․

«Սա ձեզ համար 90-ականները չեն, որ մարդ սպանեք շքամուտքի մոտ ու կոծկեք ձեր կերած բողկերը: Ես, որպես 90-ականների երեխա, որն էդ սարսափի մեջ է մեծացել, թույլ չեմ տալու, որ զարմուհիս ու մնացած մեր երեխաները դա ապրեն: Անհրաժեշտության դեպքում հատ-հատ բոլորիդ ականջները կծամեմ»:

Հավելենք, որ Ազգային ժողովի նիստերի ժամանակ լրագրողները բազմիցս ֆիքսել են, թե ինչպես են պատգամավորները նիստերի ընթացքում այլ բաներով զբաղվում։