Հունաստանը փակել է թուրքական դպրոցները. Թուրքիայի ԱԳՆ-ն արձագանքել է

Թուրքիայի արտաքին գործերի նախարարությունը դատապարտել է Հունաստանի իշխանությունների կողմից Արևմտյան Թրակիայում թուրքերի համար 12 հիմնական դպրոցների փակումը, հաղորդում է Daily Sabah-ը:

Հունական իշխանություններն այս որոշումը բացատրել են ծախսերի նվազեցմամբ և աշակերտների անբավարար թվով: Թուրքիայի ԱԳՆ-ն հայտնել է, որ Հունաստանի իշխանությունների գործողությունների պատճառով ազգային փոքրամասնությունների համար նախատեսված դպրոցների մոտ կեսը փակվել է, ինչի արդյունքում դրանց թիվը կրճատվել է մինչև 103-ի: