Թուրքիան Իրանի սահմանին կառուցում է անվտանգության պատ

Թուրքիայի Շալդրանի շրջանում՝ Իրանի սահմանին կառուցվող անվտանգության պատի 20 կիլոմետրանոց հատվածի շինարարությունն ավարտվել է։ Ermenihaber-ի փոխանցմամբ՝ այդ մասին հայտնել է Վանի նահանգապետ Մեհմեդ Էմին Բիլմեզը՝ նշելով, որ 64 կիլոմետր երկարությամբ անվտանգության պատը կառուցվելու է երեք փուլով։

Վանի նահանգապետը տեղեկացրել է, որ Թուրքիա-Իրան սահմանի կանխարգելիչ միջոցառումների արդյունքում երկիր մուտք գործող փախստականների թիվը նվազել է:

Բիլմեզը նաև ընդգծել է, որ Վանա լճում ևս պարեկային ծառայություն է իրականացվում, քանի որ լիճը Թուրքիա ապօրինի մուտք գործող փախստականների հիմնական ճանապարհներից է։