Ծիծաղելի է, որ իշխանությունն ուզում է ստեղծել քննիչ հանձնաժողով, դա պոպուլիզմ է․ Արթուր Վանեցյան
- Aug 2, 2021
- 1 min read
«Մենք, ԱԺ գալով, չենք հրաժարվել մեր հիմնական պահանջից, այն է՝ Նիկոլ Փաշինյանին րոպե առաջ հեռացնելը»,- այսօր ԱԺ-ում լրագրողների հետ ճեպազրույցում ասաց «Պատիվ ունեմ» դաշինքի առաջնորդ Արթուր Վանեցյանը։
Նրա խոսքով՝ խորհրդարանը լրացուցիչ հարթակ է, որն օգտագործելու են իրենց հիմնական նպատակին հասնելու համար։
Դիտարկմանը, որ իշխանությունը պատրաստվում է ստեղծել քննիչ հանձնաժողով 44-օրյա պատերազմի հանգամանքները պարզելու համար, Արթուր Վանեցյանն արձագանքեց, որ իշխանությունն այդ կերպ ինքն իրեն վատ վիճակում կդնի։
«Ծիծաղելի է, որ իշխանությունն ուզում է ստեղծել քննիչ հանձնաժողով, դա պոպուլիզմ է։ Բացառվում է, որ «Պատիվ ունեմ» դաշինքը մասնակցի այդ հանձնաժողովի աշխատանքներին»,- նշեց նա։
Մանրամասները՝ տեսանյութում:
Comments