Մտադիր ենք Պետական պահպանության ծառայությունը դարձնել վարչապետին ենթակա մարմին․ Փաշինյան

ՀՀ վարչապետ Նիկոլ Փաշինյանն այսօր կառավարության ծրագիրը օրենսդիրում ներկայացնելու ժամանակ տեղեկացրեց, որ իրենք մտադիր են Պետական պահպանության ծառայությունը դարձնել վարչապետին ենթակա մարմին։ Այն դուրս կգա ԱԱԾ ենթակայությունից։

Նա նշեց նաև, որ ԱԱԾ սահմանապահներ պետք է տեղակայվեն ՀՀ պետական սահմանի ամբողջ երկայնքով։

«Բարեփոխումներ են իրականացվելու նաև ԱԱԾ համակարգում։ Մեր ռազմավարական տեսլականն այն է, որ ԱԱԾ-ն պետք է լինի հակահետախուզական մարմին, սահմանապահ զորքերը կմնան ԱԱԾ կազմում, ԱԱԾ պատասխանատվության տակ կլինի նաև սահմանադրական կարգի պահպանումը»,- նկատեց նա։